Бидний тухай

Мэдээлэл түгээх → Дадал хэвшүүлэх → Эрүүл мэнд, аюулгүй байдлыг хамгаалах

Хэрэглэгчид

Угаарын хийн эрсдлээс сэргийлсэн тоо

Ажилчдын тоо

Танилцуулга

2018 оны 05 сарын 18-нд "Таван Толгой Түлш ХХК"-ны дэргэд Сайжруулсан түлшний угаарын хийн эрсдэлээс урьдчилан сэргийлэх үүрэг чиглэлтэй, 824 хүний бүрэлдэхүүнтэй “Хэрэглэгчид үйлчлэх төв” анх байгуулагдаж байсан эхлэлтэй.

2024 оны 01.01-ээс "Хэсэгчилсэн инженерийн хангамжийн удирдах газар"-т харьяалагдан, “Сайжруулсан түлшний хяналтын хэлтэс” болон үйл ажиллагаа явуулж нийт 557 хүний бүрэлдэхүүнтэй, 7 дүүрэгт салбартайгаар үйл ажиллагаа явуулж байсан.

Нийслэлийн Засаг даргын 2025 оны 04 дүгээр сарын 15-ны өдрийн А/496 дугаар захирамжаар бүтэц зохион байгуулалтын өөрчлөлт хийж, “хэсэгчилсэн инженерийн хангамжийн удирдах газар” онөаатүг-ын харъяа байсан Сайжруулсан түлшний хяналтын хэлтсийг өргөтгөн, өөрчлөн зохион байгуулж, бие даасан статустай “Хэрэглэгчдэд үйлчлэх төв” ОНӨААТҮГ болон шинэчлэн байгуулагдсан байна.

Нийт 574 ажилтан албан хаагчидтайгаар үйл ажиллагааг тогтмол явуулж, нийслэлийн хэмжээнд хатуу болон хийн түлш хэрэглэгч өрхүүдийн угаарын хийн хордлогоос урьдчилан сэргийлэх, пийшин, яндангийн битүүмжлэл, ашиглалтын аюулгүй байдлыг хангах, угаарын хий мэдрэгч төхөөрөмжийг зөв зохистой ашиглуулах, зөвлөмж мэдээлэл түгээх, сургалт сурталчилгаа зохион байгуулах, хэрэглээний хяналтын тогтолцоог бүрдүүлэх замаар нийтийн эрүүл мэнд, амь насны аюулгүй байдлыг хамгаалах үйл ажиллагааг үр дүнтэй, тогтвортой хэрэгжүүлэхийг эрхэм зорилгоо болгон ажиллаж байна.

Эрхэм зорилго

“ТҮЛШ ХЭРЭГЛЭГЧДЭД ҮЙЛЧЛЭХ ТӨВ” ОНӨААТҮГ нь Нийслэлийн агаарын бохирдлыг бууруулах, угаарын хийн хордлогоос урьдчилан сэргийлэх зорилгоор хатуу болон хийн түлш хэрэглэгч айл өрхүүдийн хэрэглээнд хяналт тавих, пийшин, яндан, зуухны битүүмжийг шалгах, засвар үйлчилгээ үзүүлэх, зөв галлагааны горим болон угаарын хийнээс сэргийлэх санамж, зөвлөмжийг түгээх, судалгаа мэдээлэл нэгтгэх, сургалт зохион байгуулах, угаарын хий мэдрэх төхөөрөмжийн ашиглалтад хяналт тавих, хяналтын системээр тасралтгүй хянах замаар эрсдэлээс урьдчилан сэргийлж, нийтийн аюулгүй, эрүүл орчныг бүрдүүлэхэд чиглэсэн үйл ажиллагааг тууштай хэрэгжүүлнэ.

Алсын хараа

“ТҮЛШ ХЭРЭГЛЭГЧДЭД ҮЙЛЧЛЭХ ТӨВ” ОНӨААТҮГ-нь нийслэлийн агаарын бохирдлыг бууруулах, нийтийн аюулгүй, эрүүл орчинг бүрдүүлэх, эрсдлээс хамгаалах нэгдсэн бодлого, төлөвлөлтийг хэрэгжүүлэх, хяналт тавих мэргэшсэн хүний нөөц бүхий мэргэжлийн байгууллага болон төлөвшиж хөгжинө.

Тэргүүлэх чиглэл

Угаарын хийн эрсдэлээс урьдчилан сэргийлэх, 24/7 хяналт-шинжилгээ, шуурхай үйлчилгээ

Манай байгууллага нь, түлш хэрэглэгч айл өрхүүдийг угаарын хийн аюулаас урьдчилан сэргийлж өрх бүрт суурилуулсан угаарын хийн мэдрэгчид 24 цагийн хяналт тавин, дуудлагын операторуудыг ажиллах нөхцлөөр хангах, мөн мэдээлэл технологийн түвшинг сайжруулж гарч болох аюул ослоос иргэдийг хамгаалах сургалт, мэдээ мэдээллийг тогтмол хийхийг тэргүүлэх чиглэлээ болгон ажиллаж байна.

Мэдээлэл, сургалт, мэдлэг дээшлүүлэх

Өрхүүдэд угаарын хийн эрсдэл, үүсэх нөхцөл, урьдчилан сэргийлэх арга хэмжээг тогтмол сурталчлах.
Бодит тоо баримт, дүн шинжилгээнд тулгуурлан үйл ажиллагааг төлөвлөх.
Түлш хэрэглэгчид, гэрээт хяналтын ажилтнуудын хамтын ажиллагааг сайжруулах сургалт, семинар зохион байгуулах.

Угаарын хий мэдрэгч: хангамж ба суурилуулалт

Түлш хэрэглэгч өрх бүрийг мэдрэгчээр бүрэн хангаж, шат дараатай суурилуулалтыг хэрэгжүүлэх.
Төхөөрөмжийн зөв, хэвийн ашиглалтыг сайжруулах.

Зуух, яндан, галлагааны нөхцөл сайжруулах

Ашиглалтын стандарт боловсруулж мөрдүүлэх.
Галлагааны стандарт зөвлөмжийг нийтэд түгээж, хэрэгжилтийг таниулах.

Хяналт

Улирал эхлэхийн өмнө зуух, яндан, пийшинд үзлэг хийх.
Мэдрэгчийн ашиглалт, ажиллагаанд хяналт тавих.
Угаарын хийн мэдээллийг 24/7 хянаж, яаралтай нөхцөлд бүсийн хяналтын ажилтныг шуурхай илгээх.

Хариу үйлдэл, яаралтай тусламж

Хордлого илэрсэн үед эрүүл мэндийн байгууллага, түргэн тусламж болон холбогдох байгууллагуудтай хамтран шуурхай арга хэмжээ авах.
Иргэдэд анхны тусламжийн мэдлэг (агаар сэлгэх, аюултай орчноос гарах гэх мэт) мэдээллийг түгээж, хэрэгжилтийг дэмжих.

Хамтын ажиллагаа

Иргэд
Онцгой байдлын алба
Цагдаагийн байгууллага
Эрүүл мэндийн байгууллага
Орон нутгийн төр, захиргааны байгууллага
Засгийн газрын холбогдох байгууллагууд

24/7 хяналт Сургалт • Хяналт • Шуурхай тусламж Хамтын ажиллагаа

Бидний түүх

"Таван Толгой Түлш ХХК"-ны дэргэд Сайжруулсан түлшний угаарын хийн эрсдэлээс урьдчилан сэргийлэх үүрэг чиглэлтэй, 824 хүний бүрэлдэхүүнтэй байгуулагдсан.

2018.05.10

2024.01.01

"Хэсэгчилсэн инженерийн хангамжийн удирдах газар"-т харьяалагдан үйл ажиллагаа явуулж нийт 557 хүний бүрэлдэхүүнтэй, 7 дүүрэгт салбартайгаар үйл ажиллагаа явуулж байсан.

"ТҮЛШ ХЭРЭГЛЭГЧДЭД ҮЙЛЧЛЭХ ТӨВ" ОНӨААТҮГ болж 574 хүний бүрэлдэхүүнтэй 7 дүүрэгт салбартайгаар үйл ажиллагаа явуулж байна.

2025.04.26

Байгууллагын бүтэц

Байгууллагын бүтэц (JPG)

JPG татах Шинэ цонхонд нээх

Бүтцийн тайлбар (PDF)

PDF татах

Манай баг

Э. Хулан

Нийслэлийн иргэдийн Төлөөлөгчдийн Хурлын Дарга

99111921, 70120292

А.Амартүвшин

Нийслэлийн Засаг даргын нийгмийн салбар, ногоон хөгжил болон агаар, орчны бохирдлын асуудал хариуцсан орлогч

99115421

П.Нэргүй

Нийслэлийн ЗД мэдээлэл, технологийн газрын дарга

99098000

Д.Отгонсүрэн

Налуу-Ухаа эдийн засгийн тусгай бүсийн Захирагчийн ажлын албаны Захирагч

99110169

М.Мөнхчимэг

Нарийн бичиг, Гэрээ хуулийн мэргэжилтэн

95199747

Бидний зарчим, үнэт зүйлс

Бид дараах үнэт зүйлсээр удирдуулж, өдөр тутмын үйл ажиллагаандаа эдгээрийг тусгадаг.

Хариуцлагатай байх

Ажил үүргээ шударгаар, мэргэжлийн түвшинд гүйцэтгэж, үр дүндээ хариуцлага хүлээдэг.

Ил тод, шударга байх

Бүх шатны үйл ажиллагаа нээлттэй, олон нийтэд ойлгомжтой, шударга байхаар хэрэгждэг.

Хэрэглэгчийн эрх ашгийг хамгаалах

Иргэдийн эрүүл, аюулгүй амьдрах орчныг хангахыг нэн тэргүүнд тавина.

Хүн төвтэй байх

Үйл ажиллагаа хүн рүү чиглэсэн, хэрэглэгчийн хэрэгцээ шаардлагад нийцсэн байх.

Мэдээлэл дээр суурилсан байх

Судалгаа, баримтад үндэслэн шийдвэр гаргаж, үр нөлөөг тооцдог.

Инноваци, дэвшил

Шинэ технологи, бүтээлч шийдлийг нэвтрүүлж, үр ашигтай, шуурхай үйлчилгээ үзүүлдэг.

Урт хугацааны тогтвортой байдал

Нөөцийг хэмнэлттэй ашиглаж, байгууллага болон нийгмийн тогтвортой хөгжлийг дэмжинэ.

Хяналт, үнэлгээг эрхэмлэх

Үйл ажиллагааг тогтмол дүгнэж, үнэлгээ хийснээр чанарыг сайжруулж, үр дүнг баталгаажуулна.

Байгальд ээлтэй байх

Байгаль орчны нөлөөллийг бууруулж, эко шийдэл, ногоон бодлогыг хэрэгжүүлнэ.

Манай хамтрагчид

Бид дараах байгууллагуудтай хамтран ажиллаж, түлшний салбарыг хөгжүүлэхэд хувь нэмэр оруулж байна.

Дэлгэрэнгүй мэдээлэл авах эх сурвалж

Хэлтэс

Захиргаа, удирдлагын хэлтэс

Хариуцсан ажилтан

Хүний нөөцийн мэргэжилтэн З. Оюунтуяа

Утас: 96338088

Өрөөний нэр: Захиргаа, удирдлагын хэлтсийн өрөө

И-мэйл: hr@thut.ub.gov.mn

Түлш хэрэглэгчдэд үйлчлэх төв ОНӨААТҮГ